Acendido e apagado remoto de equipos

Esta é unha revisión antiga do documento!


Acendido e apagado remoto de equipos

Descrición do servizo

Acendido (e apagado) de equipos de forma remota mediante web.

Con este servizo, non é necesario que deixes prendido o teu equipo se pensas que podes necesitar facer uso del pola noite, no fin de semana ou durante unha estancia fora.

Para que o sistema de acendido funcione o equipo debe ter o Wake on Lan activado. Moitos dos equipos xestionados pola Unidade de Xestión de Infraestruturas TIC xa o teñen habilitado, pero recomendamos probar se funciona a primeira vez.

Acceso ó servizo

O servizo está accesible mediante a URL https://apps.citius.usc.es/wakeonlan/.

Manual de usuario

Aparecerá o listado dos equipos que tes permitido apagar ou acender, xunto co seu estado actual. Os equipos que aparecerán serán o teu propio equipo (máximo un equipo por roseta), e os servidores que teñan apagado automático, poidan ser acendidos mediante este sistema e teñas acceso concedido.

Segundo o estado de cada equipo, podes acender ou apagar o equipo:

  • Indicador apagado (gris): O equipo está apagado, podes acendelo pulsando o botón. Non hai forma de detectar se o equipo encende ou non correctamente ata que arranque, polo que a aplicación esperará un minuto antes de volver a intentar ver o estado do equipo, e entón volverá a consultalo. Se o equipo permanece apagado (gris) seguramente o equipo teña desactivado o Wake on Lan na BIOS ou na tarxeta de rede.
  • Indicador encendido (azul estático): O equipo está encendido, podes apagalo pulsando o botón. Só se poden apagar mediante este sistema os equipos con Ubuntu CITIUS 12.04. O resto dos equipos recibirán un error ó intentar apagalos. Os servidores con apagado automático non se poden apagar manualmente, e o botón aparecerá sombreado.
  • Indicador traballando (azul en movemento): O equipo está sendo encendido ou apagado neses momentos, e non podes facer nada. O indicador estará neste estado durante un minuto e medio tras encender ou apagar o equipo.
Algúns equipos non se poden encender ou apagar, e polo tanto aparecerán co botón sombreado unha vez encendidos se non poden ser apagados, ou unha vez apagados se non poden ser encendidos. Aínda que apareza o botón de apagado nos equipos de escritorio, o apagado só está soportado nos sistemas co sistema operativo Ubuntu CITIUS 12.04.

Preme no botón Logout para pechar sesión na aplicación.

Cambios

Versión 1.2

  • Recoñece o login da páxina principal do centro http://citius.usc.es/, de forma que ó estar logeado alí non é necesario volver a logearse.
  • 1.2.3: Utiliza directamente o formulario de login do centro en caso de non estar logeado.

Versión 1.1

  • Se o equipo non se pode apagar nin encender, non aparece no listado.
  • Se o equipo non se pode apagar, non aparece o botón de apagar.
  • Se o equipo non se pode encender, non aparece o botón de encender.

Preguntas frecuentes

Tras pulsar no botón de encendido, aparece o indicador azul en movemento e despois volve ó indicador de apagado

Esto pode ser debido a varias causas:

  • O equipo está atascado nalgunha secuencia de arranque (BIOS, menú do Grub, etc.) e require intervención manual.
  • O equipo non está conectado á rede.
  • O equipo non está correctamente configurado para Wake on lan. Pode pasar a primeira vez que probes a ferramenta. Avisa á Unidade de Xestión de Infraestruturas TIC en citius.tic@usc.es para que lle boten un vistazo á configuración do teu equipo.

Tras pulsar no botón de encendido, aparece o indicador azul en movemento e despois volve ó indicador de apagado durante uns segundos, e logo aparece o indicador de encendido

O sistema non ten forma de comprobar se o equipo está encendendo de verdade, polo que tras enviar o sinal de encendido, agarda un minuto e medio antes de volver a mostrar o estado real. Se pasado ese minuto e medio o equipo aínda non encendeu, pero remata máis tarde, é posible que o indicador volva ó estado de apagado durante uns segundos e, unha vez encendido, apareza finalmente o estado correcto.

Tras pulsar no botón de apagado, aparece o indicador azul en movemento e despois volve ó indicador de encendido

Esto pode ser debido a que o sistema quedou atascado nalgunha secuencia de apagado e requira intervención manual.

O botón de encendido/apagado aparece sombreado e non podo pulsar nel

Algúns equipos non se poden apagar ou encender, e estando encendidos ou apagados terán o botón deshabilitado, dependendo das accións que estén permitidas.

Non aparece o meu equipo na lista de equipos que podo encender/apagar

Avisa á Unidade de Xestión de Infraestruturas TIC en citius.tic@usc.es. Os equipos asígnanse manualmente e é posible que haia algún erro.